حوليات.. البوست الثاني من أسبوع الذكريات!!

زجـاجة عطــر

ليتني استطعت..أن اخترع شيئا ما..

يجعلني اتمكن من الاحتفاظ بذكرياتنا السعيدة..

بزجـاجة عطــر... لأنشر شذاها حولي..

كلما باعدت المسافات..
بينك وبيني!

حوليات... البوست الأول في أسبوع الذكريات

أنا أصلي ساعات.. بشتاق لذكريات..

يمكن تكون دلوقتي.. ولا حاجة..

بس زمان.. كانت أغلى..

من كل الحاجات!

حوليات (11).. إحتراق!!

عن لحظات.. الإحتــراق ليــلاً
التي.. تنثر رمـادها
على الوجـوه.. صباحـًا!!

حوليات (10)... أبقى من الذاكرة!!

 هناك مشاهد أبقى من الذاكرة..
عندما تجمع.. بين
مـلامحه.. ومذاق القهوة
ورائحة التبغ!!

حوليات (9) ... ذكريات!

 

للذكريات رائحة.. وصوت
فشذى عطر كان يفضله.. يغرقها
بين دومات الماضي.. مقيدة الأطراف
وفي حضرة أغنية.. أهداها لها ذات مرة
تحتضر آلاف المرات!!

حوليات (8).. لماذا أنت؟!

 

لمـاذا أنت؟؟

لا أشتاق إلا لك أنت.. ولا أتذكر إلا أنت!!
عندما أفرح أبحث عنك..
وعندما أحزن لا أحتاج.. إلا لك!!!
ولماذا كلما قررت أن أرحل عنك..
أرحل منك.. إليك؟؟!
أحقـًا يا سيدي.. لم يخلق الله بالحياة..
رجال إلا أنت؟؟!!

حوليات (7).. نطفـــة!!

منذ أن قابلتك.. وقد ألقتني عيناك

نطفـة.. برحم السعادة

تنتظر بين لحظة وأخرى..
ميــلادها بين..
ذراعيك!!

 

حوليات (6) أول يــوم!!

ويا عـالم..
بيت مين تاني هيفطر..
ناقـص أول يوم..
يمكن بيتنا..
يمكن بيتكم..
 يمكن مصر.. مايفضلش فيها
حـد يصوم!!

حوليات (5) اللي حصــــل!!!

بعد كل اللي جرى..

واللي حصل..

بعد اللي مات.. ما يا عيني مات

واللي عاش.. على نعشه احتفل..

قـــــالــوا..
بكره كله يهـــدا..

واللي فات... هيبقى مات

واللي مات.. بكره تنسوا
كان ليه... انقتــل!!

:

:

محمد خيري (جر شكل)

أتقـتـــــل!!!

حوليات (4).. تايهة مني!!

تعرف إني بقيت زي..
سمكة.. هوايتها العوم فـ الرمل
تلجاية.. بتدور على حمام شمس
عصفورة.. ما بتطيرش غير عـ الأرض
طب تصـدق..
أني من يـوم ما فارقتك..

وأنا تايهة مني بجد!

حوليات (3).. أسئلة مشروعة بلا أجابة!!

وأنت نازل فرحان كده.. وبترقص زي النسوان
أسأل نفسك كام سؤال...

مين رئيس المحكمة الدستورية؟؟
مين اللي هيعدل الدستور؟؟
مين اللي هيختار اللجنة اللي هتعدله؟؟!
الفترة الانتقالية قد إيه؟؟؟
صلحيات رئيس المحكمة إيه؟؟
مش المحكمة الدستورية دي كانت برضو ضد الثورة؟!!
ليه قفلوا القنوات الاسلامية كلها والمؤيدة؟؟
فين ميثاق احترام حرية الإعلام؟؟!
الانتخابات الرئاسية / البرلمانية إمته؟؟!!
قوانين الإنتخابات دي هتم تفعيل فيها العزل على مين؟؟
ليه العالم كله بيأكد إنه إنقلاب.. وأنت مصدق إنها إرادة شعب؟؟!
ليه إختفت كل الأزمات بمجرد نزول الفلول الشارع؟!

وبعد ما تلاقي اجابات... إن لاقيت يعني..
ارقص بقى على خيبة أهلك

حوليات (2) ليتك غضبت ذات يوم!!

يترحمون على عبد الناصر...

ويقولون زعيم الأمة..

ليتك كنت زعيم كعبد الناصر..

وأعتقلت كل معارضيك وقتلتهم واحد تلو الآخر!

يترحمون على أنور السادات...

ويقولون الرئيس المؤمن..

ليتك كنت مؤمن كالسادات..

وكانت ديمقراطيتك بأنياب وجمعت معارضيك بالزنازين!

يترحمون على حسني مبارك...

ويقولون ولا يوم من أيامك يا ريس..

ليتك كنت ريس كمبارك..

وسرقت نهبت.. قتلت شردت.. سرطنت الشعب!

ليتك غضبت ذات يوم..

وكنت مثل أحدهم.. لتريح هذا الشعب

ولكنك كنت كسيدنا هارون..

فأستضعفك قومك!